3 September 2023
Arsenal score two goals deep into injury time as dem beat Manchester United in a dramatic game.
United bin take di lead 27th minute into di game wen Christian Eriksen outstanding pass play in Marcus Rashford, wey cut inside to send di ball pass Arsenal keeper Aaron Ramsdale.
Di Gunners, wey bin don waste some golden chances wen di struggling Kai Havertz miskick wit di goal, go level almost immediately wen captain Martin Odegaard get too much space and send an emphatic finish to di bottom corner.
For di match wey get plenty controversies see Arsenal get penalty wey VAR overrule – anoda glorious late opportunity wen Bukayo Saka shoot straight into Andre Onana.
United see dia celebrations cut short wit three minutes for di main time wen substitute Garnacho run clear to score, but di VAR also rule out di goal.
For di dying minute Declan Rice smash di ball pass Andre Onana in injury time before Gabriel Jesus add di final goal to seal di win for di Gunners.
Second Half
90+11mins: WINNING GOAL! Gabriel Jesus convert better pass from Fabio Vieira
90+9mins: SUBSTITUTION. Jorginho enta for Martin Odegaard.
90+6mins: GOAL! Declan Rice make am 2:1 for Arsenal
90+1mins: YELLOW CARD for Gabriel Jesus
90mins: SUBSTITUTION Gabriel Martinelli comot for Reiss Nelson
89mins: NO GOAL. VAR cancel Gernacho goal for offside
84mins: SUBSTITUTION. Victor Lindelof comot for Jonny Evans Alejandro Garnacho enta for Antony
80mins: MISSED CHANCE from Saka. Onana save di ball
76mins: SUBSTITUTION. Arsenal make 3 changes - Fabio Vieira enta for Kai Havertz, Takehiro Tomiyasu replace Oleksandr Zinchenko and Gabriel Jesus enta for Eddie Nketiah.
70mins: Gabriel Martinelli dey disappointed wit imself becos e produce a poor cross.
68mins: YELLOW CARD for Andre Onana for time wasting
67mins: SUBSTITUTION. Erik ten Hag comot Lisandro Martinez for Harry Maguire while Rasmus Hojlund enta for Anthony Martial
Arsenal 1-1 Man United
65mins: YELLOW CARD for Lisandro Martinez afta bad foul on Nketiah
61mins: Arsenal almost get penalty but VAR cancel am
55mins: Marcus Rashford almost make am 2 for United. Good save by Arsenal keeper
50mins: Gabriel Martinelli skips pass im man but no get chance to give di pass.
47mins: Ben White swing a cross into di box, but e dey far to Andre Onana, wey easily catch di ball.
Arsenal 1-1 Man United
45mins: Second Half don start
First Half
Arsenal 1-1 Man United
48mins: HALF TIME
45mins: 3 mins of stoppage-time to be played.
43mins: Gabriel Martinelli cross di ball into di box, but one of di defending players avert di threat. Arsenal get anoda corner
40mins: YELLOW CARD for Bukayo Saka.
40mins: Marcus Rashford send a weak shot high over di bar from di edge of di box.
38mins: Anthony Taylor show yellow card to Victor Lindelof for bad foul on Nketiah.
37mins: Manchester Utd dey showcase great team work and neat passing moves.
33mins: Christian Eriksen get on di end of a pass and take a shot from di edge of di box.
Arsenal 1-1 Man United
28mins: Martin Odegaard immediately equalize for Arsenal
27mins: GOAL! Marcus Rashford scores di opening goal!
24mins: 5:0 – Arsenal dey lead for total goal attempt statistics.
Arsenal 0-0 Man United
21mins: Anthony Taylor blow im whistle after Bukayo Saka foul on Dalot
19mins: Declan Rice react well near di penalty spot to connect wit di resulting corner, but fail to direct im header into di back of di net.
18mins: An attempted cross from Gabriel Martinelli dey cleared. Arsenal force a corner.
14mins: Kai Havertz miss chance afta a quick through ball into space. Marinez clear am
11mins: Arsenal players dey exchange short passes in an attempt to create a shooting opportunity.
9mins: Anthony Taylor get clear sight and see foul wey Kai Havertz commit
6mins: Man U dey enjoy early possession in dia attempt to control di game
Arsenal 0-0 Man United
3mins: Gabriel Martinelli again make run from di left to sends a lofted cross into di penalty area.
2mins: Gabriel Martinelli swings in a cross, but dem clear di ball
1min: KICK OFF
Arsenal vs Man United lineups
Arsenal line up: Ramsdale, Gabriel, Zinchenko, White, Saliba, Rice, Odegaard, Havertz, Saka, Nketiah, Martinelli.
Man Utd line up: Onana; Wan-Bissaka, Lindelof, Martinez, Dalot, Casemiro, Eriksen, Antony, Fernandes, Rashford, Martial
ncG1vNJzZmivp6x7o67CZ5qopV%2BltqWzyKdmmqqknrCtsdJomnBqY2V9cbGYpZ6o